Skyrim Special Edition има значително повисока хардверска побарувачка

Skyrim Special Edition ќе биде спремна за вас на 28 октомври. Прашањето е, меѓутоа, дали сте вие спремни за неа?

Ремастер верзијата на мега-хитот од 2011-та година бара значително помоќно чудовиште, особено доколку сакате да уживате во максималните потенцијали на графичка надградба.

Чисто за споредба, ова е минималната побарувачка за оригиналната Skyrim од 2011:

• Dual Core 2.0GHz
• 2GB RAM
• 6GB простор
• Direct X 9 графичка карта со 512 MB RAM

Ова е минималната побарувачка за специјалната едиција:

• Intel i5-750/AMD Phenom II X4-945
• 8GB RAM
• 12 GB простор
• NVIDIA GTX 470 1GB / AMD HD 7870 2GB

Како што можете да забележите, потребата за RAM-от е зголемена за четири пати, хард диск просторот за два пати, а слична е ситуацијата со графичката карта каде специфично се именува најнискиот можен графички процесор. Каква е ситуацијата со препорачаната конфигурација.

Забележителен е огромниот скок од тогашната и сегашната побарувачка, но, според денешните стандарди, барањето се чини, сосема прифатливо.

Skyrim Special Edition излегува за PS4, Xbox One и PC. За сопствениците на PC верзијата и трите последователни проширувања, едицијата е бесплатна надградба. Со оваа едиција се воведува поддршка за модови за конзолите, сите ефекти се надградени во подобри графички алтернативи, воведен е ефектот Volumetric lightning, односно God Rays, динамична длабочина на видикот, но и нови шејдери за снег и вода. Skyrim Special Edition ќе се одликува и со природна 4К поддршка!